• Ibilbidea 7 kilometrokoa izango da, Amorebieta-Etxanoko naturatik barrena eta izen-ematea zabalik dago. • Edizio berri honen baitan erakusketa bat ere izango da: ‘Afrika, Emakume izenarekin’.
Derandein Fundazioak, Amorebieta-Etxanoko Udalarekin lankidetzan, Derandein Mendi Martxaren IV. edizioa antolatu du. Covid 19aren ondorioz bi urteko etenaldiaren ondoren, fundazioak eguna berreskuratu du; hala, parte-hartzaileek naturan egun batez gozatzeko aukera izango dute.
7 kilometroko ibilbidea
Ibilaldia goizeko 10:00etan irtengo da Jauregibarria parketik eta partehartzaileek 7 kilometroko ibilbidea egingo dute Zubipunte, Derandein, Urumin, Arrindas, Etxano Epaltzako bidea eta Urritxe auzoetan zehar, Jauregibarria parkean amaituz. Ibilaldia bukatutakoan, 13:00etan, pintxo-potea eta trikitixa izango dira.
Ibilaldian parte hartu nahi dutenek aldez aurretik izena eman beharko dute: www.derandein.org orrian formularioa betez, derandein@derandein.org helbidera mezu bat idatziz edo egunean bertan, ibilbidearen irteera-puntuan, 09:30ean. Izen-ematea doakoa da.
Erakusketa
Aurtengo edizioaren baitan, gainera, `Afrika, Emakume izenarekin’ erakusketa ere izango da. Horrela, parte-hartzaileek Afrikako emakumeen egoerari buruzko informazioa eskuratu ahal izango dute ibilbidean zehar;hainbat eremu landuko ditu erakusketak, hala nola hezkuntza, osasuna eta ekonomia.
Eskolatze-tasaren murrizketa
Amorebieta-Etxanoko Udalak, Trabajando por el Corazónde África (TRACAF) erakundeak, DerandeinFundazioarekin elkarlanean gauzatzen duen garapenerako lankidetza proiektu bat finantzatzen du, Kinshasan, Kongoko Errepublika Demokratikoan.
Proiektu horri esker, baliabide gutxiko 536 haurrek kalitatezko hezkuntza jaso ahal izan dute 2021-2022 ikasturtean. Amorebieta-Etxanoko Udalak Nuestra Señora de Covadonga- Kepa Azarloza ikastetxearekin egindako lankidetzari esker, eskola-uztearen tasa murriztea lortu da:2019an %2,6koa izatetik 2022an %1,4koa izatera pasa da. Kontuan izan behar da herrialdeko eskolatzearen batez bestekoa 5,3 urtekoa dela neskengan, eta 8,4 urtekoa mutilengan.
Ikastetxeak hiru hezkuntza-maila eskaintzen ditu: Haur Hezkuntza, Lehen Hezkuntza eta Bigarren Hezkuntza. Amorebieta-Etxanoko Udalaren eta beste emaile batzuen lankidetzari esker, 500 haur baino gehiagok jaso ahal izan dute urtero, 2019tik, kalitatezko hezkuntza.
