Taldeak maila bikaina erakutsi du infantil eta alebinetan.
Alebin mailan, Libe Zarazuak txapeldun ordeko postua lortu du Elchen jokatu den Espainiako waterpolo txapelketan. Mutilen aldetik, Waterpolo taldeko Markel Larruzea eta Ager Santamaria oso ondo egin dute. Bai mutilak bai neskak Askartza Claret-egaz lehiatu dira.
Amorebieta-Etxano Waterpolo taldeko June Zatonek, Ane Arizonak, Iurgi De Castrok (aurten Askartza Claret-eko taldean) eta Manu Santamariak (Santoña eta Amorebieta Waterpoloko jokalariak) Espainako Autonomi Erkidegoen arteko txapelketan parte hartu dute, infantil mailako Euskal Selekzioaren taldearekin. Urte osoan hainbat teknifikazio eta entrenamendu bereziak egin dituzte Euskadiko Selekzioan 14 jokalarien artean egoteko.
Madrilen jokatu den txapelketan podiumera igo dira brontzezko domina lortuz eta nesken mailan podiumeko atarian gelditu dira 4. postua irabazi ondoren. Joan Albella eta Ieltxu Garciari esker (Euskal Selekzioko arduradunak) waterpoloaz disfrutatu eta asko ikasi dute.
Horrez gain, Euskal Selekzioko infantil mailako mutilak, Kroaziara joan dira Tomo Txapelketan parte hartzera, Europako talderik onenak elkartzen diren lehiaketara, waterpoloaz gozatzeko.
Amorebieta Waterpolo taldea, nahiz eta talde txikia izan, egindako lan etengabea emaitzekin islatzen ari da.
