- Erakusketa, Adrián Castañeda, Hemen Proiektua eta Cristina Souto artisten lanak bilduko ditu eta ikusgai egongo da maiatzaren 8tik ekainaren 6a bitarte Zelaieta Zentroan.
- Horrez gain, gazteei zuzenduriko DJ tailerra eskainiko da Puñales artistaren eskutik eta maiatzaren 23an, Hemen Proiektua taldeko kideek ekintza bat egingo dute taldearen lana ezagutzera emateko.
Datorren maiatzaren 8tik ekainaren 6a bitartean “Say Cheese” erakusketa jasoko du Zelaieta Zentroak, HARRIAK programaren baitan Bertan Adrián Castañeda, Hemen Proiektua eta Cristina Souto artisten lanak egongo dira ikusgai; erakusketak arte garaikideko ikuspegi desberdinak eskainiko ditu, eta ikusleak gogoeta sakona egitera gonbidatuko ditu.
Erakusketa Mawa Ordúñez-ek gidatuko du, eta testuak Irene Ergueta Elorzaren eskutik daude eginak. Erakusketa maiatzaren 8an arratsaldeko 19:00etan inauguratuko da, eta interesa duen oro dago gonbidatua. Era berean, maiatzaren 22an, arratsaldeko 19:00etan bisita gidatua eskainiko da.
Erakusketa, halaber, ikusgai egongo da astelehenetik ostiralera 08:30etik 21:30era, larunbatetan 10:00etatik 14:00etara eta 16:00etatik 20:00etara, eta igandeetan 16:00etatik 20:00etara.
DJ ikastaroa
HARRIAK programaren baitan, DJ ikastaroa ere antolatu da herriko gazteei zuzenduta, Puñales artista eta DJaren eskutik. Ikastaroa 16 urtetik gorako gazteei zuzenduta dago eta maiatzaren 19an, 26an, ekainaren 2an eta 6an egingo da Zelaieta Zentroan. Puñales-ek DJ arloan dituen ezagutzak partekatuko ditu, eta parte-hartzaileek nahaste teknika eta musika ekoizpenaren inguruko ezagutzak jasoko dituzte.
Izena emateko epea maiatzaren 14ra arte dago irekita, eta izena eman daiteke gazteinfo@amorebieta.eus helbidera idatzita edo 946 300 649 telefonora deituta. Plaza kopurua mugatua da, beraz, azkar izena ematea gomendatzen da.
Era berean, maiatzaren 23an, goizeko 12:00etan, Hemen Proiektua taldeko kideek ekintza bat egingo dute, kolektiboaren lan artistikoa ezagutzera emateko.
HARRIAK programa
HARRIAK arte garaikideko programa bat da, bitartekaritza, erakusketa eta dibulgazio artistikorako espazio berriak prestatzera zuzendua. Programa Euskal Autonomia Erkidegoko hainbat kultur etxetako aretotan hedatzen da, eta sortzen ari diren artista eta bitartekarien partaidetza du.
HARRIAK EREMUAKen ekimen bat da, herri txikietan gaur egungo sormen-jardunbideekiko testuinguru sentikorra sortzera eta lan-prozesuak eta bitartekotza artistikoa ikusaraztera bideratua.
