- Udalak herrian autonomia, inklusioa eta elkartasuna sustatzen dituzten proiektuak babesten ditu, eta, guztira, irabazi asmorik gabeko hamar elkarteri esleitu die dirulaguntza.
Amorebieta-Etxanoko Udalak 30.000 euro bideratu ditu udalerrian gizarte ekintzaren arloan diharduten hainbat erakunderen lana babesteko. Dirulaguntza deialdi honen helburu nagusia da autonomia pertsonala sustatzeko eta mendekotasun, babesgabezia, gizarte bazterketa eta larrialdi egoerak saihestu edo artatzeko proiektuak bultzatzea.
Deialdia 2025eko martxoaren eta apirilaren artean egon zen irekita eta horri esker, aurtengoan guztira, hamar erakundek jasoko dituzte Udalaren dirulaguntzak.
Aurten, partidako 30.000 euroak helburu sozialak dituzten erakundeei babesteko erabiliko dira, hainbat arlotako elkarteen artean banatuta. Hala, diru-laguntza jasoko duten hamar erakundeak honako hauek dira:
- Cruz Roja Amorebieta-Etxano (4.394,71 €),
- ASEBIER (4.394,71 €),
- AVIFES (3.000 €),
- Fundación Síndrome Down (4.883.01 €),
- AECC (Asociación Española Contra el Cáncer) (2.082.56 €),
- Esclerosis Múltiple (3.000 €),
- Orue Auzolana Fundazioa (2.400 €),
- Caritas Bizkaia (3.000 €),
- Sorginkada (2.395 €)
- ALCER Bizkaia (Asociación para la lucha contra las enfermedades del riñón) (450 €)
Ezinbestekoa da elkarte eta erakunde onuradunek beren jarduera edo proiektuak Amorebieta-Etxanon garatzea, laguntza horien gizarte-inpaktuak zornotzarren ongizatean zuzenean eragina izan dezan.
Amorebieta-Etxanoko Udalak zornotzarren ongizatean funtsezko lana egiten duten udalerriko erakunde sozialekin duen konpromisoa berresten du eta herri bidezkoago eta inklusiboago baten alde elkarrekin lan egiten jarraitzera dei egin die.
