- Lehiaketa 16:00etatik aurrera hasiko da, eta sexu bereko 4-6 pertsonaz osatutako taldeek hartuko dute parte. Talde horiek ibilbidea batera osatu beharko dute.
- Duatloiko parte hartzaileek 5 kilometroko korrikaldia, 20 kilometroko txirrindularitza eta 2,5 kilometroko korrikaldia egin beharko dute.
Datorren larunbatean, otsailaren 15ean, VI. Taldekako Erlojupeko Duatloia ospatuko da Amorebieta-Etxanon, udalerriko Triatloi Taldeak antolatuta. Euskadiko Triatloi Federazioaren egutegian garrantzi handiko hitzordua da hau, modalitate honetako Euskadiko Txapelketa izango baita.
Lehiaketa 16:00etatik aurrera hasiko da, eta sexu bereko 4-6 pertsonaz osatutako taldeek hartuko dute parte. Taldeko partaide guztiek elkarrekin osatu beharko dute ibilbidea eta 5 kilometroko korrikaldia, 20 kilometroko txirrindularitza eta 2,5 kilometroko korrikaldia barne hartuko ditu probak, taldekako erlojupeko modalitatean.
Probaren formatuari erreparatuz, irteera hartuko duen lehen taldea geldoena izango da, eta hurrengoak, berriz, 30 segunduro joango dira irtetzen, talde bakoitzaren errendimenduaren araberako ordenean talderik azkarrenera iritsi arte, hori izango baita irteten azkena. Ziklismoaren segmentuan, gainera, debekatuta egongo da taldeak elkarren gurpilean jartzea, eta horrek funtsezko osagai estrategiko bat gehitzen dio probari.
Trafiko afekzioak
Kirol proba honen eraginez, hainbat trafiko eten edota aldaketa egongo dira herrian Esate baterako, ezingo da ibilgailurik aparkatu barnetegi aurrean dagoen aparkalekuan, otsailaren 14ko gaueko 22:00etatik otsailaren 15eko arratsaldeko 18:00etara.
Horrez gain, BI -4343 (PK 20.4 -21 bitarte), San Isidro bidea eta Luis Urrengoetxea kalea itxita egongo dira larunbatean, otsailak 15, 16:00etatik 18:00etara.
