Abenduaren 1ean Zornotzan Euskararen Eguna ospatu zen, horretarako egunean zehar zenbait ekintza antolatu ziren. Goizean bertso poteoa egon zen eta ondoren Pasta Txapelketa. Txapelketan hamar taldek parte hartu bazuten ere, talde bakarra irten zen garaile, kuadrila hori Patatan Susterrak izan zen. Arratsaldean erromeria egon zen Akerbeltz taldearekin, eta hasieran giro eskasa egon bazen ere, azkenean giro aparta sortu zen. Askok euria egingo zuela uste genuen, baina eguraldia lagun izan genuen eta egun paregabea pasatu genuela argi dago.
