Betidanik antzezpena izan du gustokoa, Markeliñek antolatzen duen Zugan Ni festibalean lau urtez parte hartu du eta Arte Dramatikoa ikasi du Bilboko Anima Eskolan. Honen ostean Madrilera bideratu ditu bere pausuak tranning aktorala egiteko, Juan Codina aktorea eta zuzendariaren gidaritzapean. “Lana bilatu arte asko ikasi eta prestatu behar dot. Konpainia baten noiz behinka lan egiten dot baina oso zaila da bakarrik aritzea, horregaitik ordezkari baten eskuetan jarri naz, kastingetara joaten naz, amua beti prest”.
Madrilen aukera gehiago daude, telebistako telesaieletan, antzerkian, zinea… baina kontaktoak derrigorrezkoak dira. Ogibide hau ez da bestelakoak bezala, lan bat aurkitzen baduzu beti da epe mugatua, hemen ez dago mugagabeko kontraturik. “Psicologikoki oso gogorra da, baina horrela da gure mundu hau”.
Julen aktore izateaz gain, dantzaria ere bada. 8 urtez izan da ikasten eta Euskaldunan bi operetan parte hartu du dantzari taldean, Barbero de Sevilla eta horrelakoak. Horregaitik dauzka gustokoak antzerki musikalak eta entrenamentuak egiten ditu, bai dantzan baita gimnasioan ere. “Prestakuntza ona izatea oso garrantzitsua da eta bestalde nik uste dot pertsonai asko irudikatzeko kapaz nazela. Nire aurpegia lan ezberdinetarako dezente moldatu dezaket”.
