Larreako atletismo pistan tartana jartzeko egokitzapen lanak hasiko dira gaur eta epe honetan eremua errespetatzea eskatu du Udalak
• Lanak faseka egingo dira eta atletismo pistak, lan guztiak amaitzean, sei kale, lubaki bat eta luzera jauziko korredore bat izango ditu.
Larreako kirol instalazioetako atletismo pista berritzeko lanak bete-betean dira. Hala, gaur, martxoak 6, tartana jartzeko egokitzapenarekin hasiko dira; tartana bera apirilaren 2tik aurrera jartzea aurreikusten da. Amorebieta-Etxanoko Udalak jakinarazi du lanak faseka egingo direla, eta azken emaitza ona izateko ezinbestekoa izango dela eremua errespetatzea, hau da, unean-unean mugatuta dauden espazioetan baloirik ez jaustea, eremua ez zapaltzea…
Era berean, Udalak azaldu du lanak Aste Santura bitartean luzatuko direla. Behin amaituta, Larreako atletismo pistak 6 kale izango ditu tartanezkoak guztiak eta honek atletismoaren praktika nabarmen hobetuko du. Obra osotasunean amaitutakoan, atletismo pista berrituak lubaki bat eta luzera jauziko korridore bat ere izango ditu.
