Nazioarteko talenturik onenak, Txolonen
Beste urte batez, futbol harrobirik onenak Txolonen bilduko dira, Lointek Amorebieta-Etxano Cupen, abenduaren 6an, ostirala, eta 7an, larunbata. Edizio berezia izango da, 20. edizioa sortu zenetik, eta 2013an jaiotako jokalariek nazioarteko txapelketa jokatu ahal izango dute; iazko lehiaketaren formatu bera errepikatuz.
Lehenengo egunean atariko fase bat egongo da zonaldeko 12 talderekin, horien artean Ikastxiki. Ostiral goizean multzoen fasea jokatuko da, 4 taldeko 3 multzorekin. Zortzi onenak arratsaldean jokatuko diren kanporaketetarako sailkatuko dira. Aurreko fase horretako txapeldunak bigarren egunean, hilaren 7an, itzuliko da.
Bigarren eta behin betiko jardunaldian, beste 12 taldek hartuko dute parte: aurreko eguneko garaileak, SD Amorebietak eta klub profesionaletako beste hamar alebin taldek, hala nola Athleticek. Aurreko deialdietan bezala, atzerriko pare bat talde ere egongo dira. Sistema aurreko eguneko bera izango da. Hau da, multzoen fase bat egongo da goizean eta zortzi onenak arratsaldean jokatuko diren kanporaketetara pasako dira.
Ohi bezala, rifak salduko dira hainbat sari eskuratzeko. “Mundu guztia animatzen dugu Txolonengana torneoa ikustera eta sortzen den giro politaz gozatzera”, nabarmendu dute SD Amorebietatik. Laster, Lointek Amorebieta-Etxano Cup-ek 20. edizio honen xehetasun guztiak emango ditu.
