Gaur jakirera eman denez, NORA pelikula Zinemaldiko irekieran izango da,2020ko irailaren 18an.
Lara Izagirre zuzendariak filma prest izango du Zinemaldiaren aurtengo estreinaldirako, Zinemira atalean.
Norak 30 urte ditu, aitona argentinar Nicolasekin bizi da eta bere lagun Meriren seme-alabak zaindu ohi ditu. Herriko aldizkarian horoskopoa idazten du, baina bidaia-idazle izateko ametsa du. Aitona hil eta Dyane 6 zahar bat utziko dio hark oinordetzan. Oso gaizki gidatzen du, baina helmugarik gabeko road trip bat egitera abiatuko da Nora Euskal Herriko kostaldetik, aitonaren errautsak amonaren ondora eramateko. Ibilbideak berehala erakutsiko dio ez dela bidaiari petoa, eta zeukan ametsak berez ez duela zerikusirik berarekin, baizik eta aitzakia hutsa zela libre izateko, hazteko, zauriak ixteko eta, lehen aldiz, bere buruari zoriontsu izateko aukera emateko.
FITXA
ZUZENDARIA
Lara Izagirre
ANTZEZLEAK
Ane Pikaza, Héctor Alterio, Loli Astoreka, Naiara Carmona, Ramón Barea, Klara Badiola, Kepa Errasti, Iñigo Aranbarri, Joseba Usabiaga, Aia Kruse, Peio Berterretche, Catherine Domain, June Isasi, Paul Correa, Hegoa Negueloua, Aizpea Goenaga, Tessa Andonegi, Nagore González, Ainhoa Artetxe, Joanes Passicot, Jean Marc Toto
HERRIALDEA
Espainia – Frantzia
