Maiatzaren 26an, Urritxeko institutuan 4.DBHko proba pilotoei plantoa egin diote bertako ikasleak. Planto honek gurasoen eta irakasleen babesa izan du. Izan ere, maiatzaren 22an, institutuan egindako bileran parte hartu zuten 4. DBH-ko ikasleen gurasoek euren seme/alabek «Ebaluazio diagnostikoa» ez egitea erabaki zuten, etorkizunean errebalida egitea helburutzat duen proba izan daitekeenaren ustetan.
Familien babesa ere jaso dute planto egin duten ikasleek.
Hainbat eragilek konbokatutako planto dinamika hau, Urritxen ez ezik, Euskal Herriko zenbait ikastetxetan gertatzen ari da.
Gure Hezkuntza Plataformatik azpimarratu dute «gero eta gehiago» direla plantoarekin bat egiten ari diren ikastetxeak eta agindu dute bide horri eutsiko diotela progak bertan behera utzi arte.
