✅Aurrekanporaketak
2023/02/11
GAZTEAK
🔴ALONSO 14
🔵BULLON 22
SUB22
🔴ARRIEN 14
🔵X.BEITIA 22
Gazteen mailako azken txartela jokoan klubeko bi atzelariren arteko norgehiagokan. Bi atzelari, bata jotzaileagoa bestea alboko kolpea hobeto erabiltzen duena. Partida hasiera Bullonen aldera erori da, saketik dominatzera pasatuz eta piloteoan ere sendo agertuz, 1-6. Alonso partidan sartu ezin ibili denean ordez, Bullonek pasa bikoitza egin eta orduan hasi da Alonso pixkanaka jokoan sartzen eta Urkoren erabaki txarrak sortarazten, markagailua 7-7 berdinduz. Partidua erabat berdindu denean ordea, berriro bueltatu da Bullon berera eta Alonso defentsa lanetara behartu du, horrela 8-15 aurreratuz berriz. Partidaren azken txanpan Alonso saiatu da erremate desberdinekin tantoak lortzen baina hutsak gehiago izan dira eta ezin izan du markagailua irauli. Azkenerako Bullon sendo bat eta eguna izan ez duen Alonsoren artekoa 14-22 bukatu da, Bullonek beste urte batez Master Kaiolarako txartela lortuz.
22 urtez azpikoen azken txartela, Klubeko Lier Arrien eta Lagun Onak Klubetik jokatzen duen, Leako pilotaria den Xabi Beitiaren arteako. Xabi Beitia aurreko edizioan partida onak egitetik dator, aurrelari bizia, erasokorra. Lier Arrien azken urtean atzelari izatera pasatu den pilotaria, golpe izugarriz dabilena. Partidu hasiera parekatua izan da, tantoak batera ta bestera eroriz, egindakoak baino huts gehiago eginez biak ala biak. Arrien izan da gehiagotan dominatu duena eta Beitia bere lekua bilatu ezin ibili da, tantoa bere gustora bukatu ezin. Horren ondorioz 11-8 aurreratzea lortu du Arrienek. Orduantxe hasi da ordea Beitia pilota alde batera eta bestera mugitzen, Arrieni nekea sortaraziz. Bataren nekeak eta bestearen lanak markagailua irauli du 11-14 Beitiak aurrea hartuz. Arrienek ordea ez du azken hitza esan eta sakea hartzearekin batera berriro berdindu du leia,14-14. Momentu horretan ikusi dugu ordea Beitiarik onena eta partidan sartzearekin batera 22ra zuzenean joan da, Arrien tokitik ateraz eta tantoak bukatuz. Azken txartela Xabi Beitiarentzat eta honekin badauzkagu aurtengo pilotari guztiak zehaztuta.
