- Bozketa maiatzaren 13ra bitartean egin ahal izango da eta bozkatzeko bi gune egongo dira: HAZ(Herritarren Arreta Zerbitzua) eta Zelaieta.
Pasa den igandean amaitu zen Amorebieta-Etxanoko Udalak antolatutako euskarazko ipuin laburren lehiaketan parte hartzeko epea. Ekimen honen helburua da herritarren artean euskararen erabilera eta sormen literarioa sustatzea eta aurtengoan Euskaraldiari loturik egon da.
Hala, lehiaketa bi modalitatetan garatu da, 16 eta 22 urte bitarteko gazteentzat bata (A modalitatea) eta 23 urtetik gorako herritarrei zuzendurikoa bestea (B modalitatea). Guztira 8 ipuin aurkeztu dira (B modalitatean), eta orain bozketa-fasea hasiko da. Herritarrek parte hartzaile bakoitzaren lana aitortzeko eta euren gustuko ipuina hautatzeko aukera izango dute.
Nola bozkatu?
Bozketa maiatzaren 13ra bitartean egin ahal izango da, eta bozkatzeko kutxa bat egongo da Zelaietan.
Bozketa guztiz irekia izango da eta herritar guztiek parte hartzeko aukera izango dute. Bozka ematen duten herritarren artean Euskaraldiko produktuen lote bat zozketatuko da.
Zeintzuk dira sariak?
Irabazlea epaimahai bitartez aukeratuko dira eta hauek 400 euroko saria jasoko du.
Bestalde, herritarrek bozketa bitartez hautatutako ipuinaren egileak Euskaraldiko produktuen sorta bat jasoko du eta bi ipuin irabazleak, hau da, epaimahaiak eta herritarrek aukeratutakoak, Hilero aldizkarian argitaratuko dira.
Era berean, aurrez aipatu bezala, bozketan parte hartzen duten herritarren artean ere Euskaraldiko produktuak zozketatuko dira. Sariak maiatzaren 15ean banatuko dira, Euskaraldiaren hasiera ekitaldian.
Ekimen honekin, Amorebieta-Etxanoko Udalak euskararen sustapenarekiko konpromisoa berretsi nahi du eta herritarrak lehiaketan parte hartzera animatzen ditu.
