Urtean zehar dantza entseguak egiten dituzte, helburu bikoitzarekin: dantza berriak ikastea eta jadanik existitzen diren batzuk berreskuratzea edo gogoratzea. Lana ez da bakarrik entseguetan geratzen, ordea. “Horrek eskatzen du bebai praktikara eramatea edo adieraztea kanpoan”, azaltzen du ekimeneko partaide batek. “Eta nik uste dut ekimen polita dela.”
Dantza taldean denetarik dagoen arren —gazteak ere bai—, helduak dira nagusi. “Helduok erantzukizun handia daukagu. Al dugun neurrian, nik uste dut erantzuna ona dela. Jendea prest dago ikasi duguna praktikan jartzeko.”
Taldekoek jendea animatzen dute parte hartzera, dantza ikastera.
“Hasieran dena izaten da zaila, baina gero, astiro-astiro, errazak egiten dira. Entretenigarriak dira, politak dira. Beraz, animatu daitezela, eta gero ikusiko dute plazan zein ondo pasatzen dugun!”
