Urdinek ezin izan dute SD Ejea gainditu (2-1). Eta hori gure taldea 0-1 iritsi dela atsedenaldira lehen zati on baten ondoren, baina etxeko taldea gehiago izan da bigarrenean eta geldikako ekintzen bidez markagailuari buelta eman dio.
Partidua ondo hasi da zornotzarren interesentzat. Izan ere, gureak 10. minutuan aurreratu dira Zorrillaren bitartez. 19.a aurkariaren zelaian berreskuratu du, areara ere sartu da eta 0-1ekoa egin du zutoinera egokitutako jaurtiketa batekin. Torrico errenta handitzetik gertu egon da handik gutxira, gutxigatik kanpora joan den burukada baten bidez. Ejeak ere abisua eman du ordu erdian, Agustinek area ertzetik emandako golari esker, eta Altamira luzatzera behartu du 0-1ekoa mantentzeko. Markagailua atsedenaldira iritsi da.
Aldageletatik igaro ostean, Ejea indartsu atera da eta 52. minutuan aukera paregabea izan du, baina Altamiraren geldiketa ikaragarri batekin egin du topo. Etxekoek sakatzen jarraitu dute eta 67.ean berdinketa lortzetik gertu egon dira gutxigatik kanpora joan den falta jaurtiketa baten bidez. 1-1ekoa 71.ean iritsi da, Aragoiko taldeak izan dituen geldikako beste ekintza ugarietako batean. Eta behin betiko 2-1, 80. minutuan gertatu dena, falta-jaurtiketa baten bidez ere gauzatu da.
SD EJEA: Dorronsoro, Sánchez, Hakim, Lapeña (89 “Prince), Óscar, Fabio Conte (82” Ciriano), Juanan Toro (61 “Beñat Leiza), Agustín (89” Muñi), Dabo, Chica y Turmo.
SD AMOREBIETA: Altamira, Mendibe, Castañeda (88 “Hernaiz), Entrecanales, Odei, Arratibel, Marouane (81” Reka), Zorrilla, Torrico (81 “Etxaniz), Asier Sánchez (63” Fausto Tienza) eta Lulu (63 “Hodei Rodríguez).
Golak: 0-1: Min. 10; Zorrilla. 1-1: Min. 71; Hakim. 2-1: Min. 80; Fabio Conte.
Epailea: Xavier Alins. Txartel horiak atera dizkie SDAko Juanan Toro eta Sanchez del Ejeari, Entrecanales, Torrico, Hodei Rodríguez, Fausto Tienza eta Zorrilla jokalariei.
