- Zornotzarrak jaien plangintzan eta antolaketan inplikatzeko konpromisoari jarraiki, beste urte batez, jaietako kontzertuen inguruan herritarren proposamenak eta iritziak jasotzeko galdetegia prestatu du eta erantzungai egongo da datorren urtarrilaren 12a bitarte.
Beste urte batez, Amorebieta-Etxanoko Udalak galdetegi bat jarri du martxan 2025eko Karmengo jaietako kontzertu zein bestelako jarduerei lotuta herritarren proposamen zein iritziak jasotzeko.
Ekimen honen helburua bikoitza da: zornotzarrak jaien plangintzan eta antolaketan inplikatzea, batetik, herritarrei hitza emanez, eta jaietako egitaraua herritarren gustu eta eskaeretara ahalik eta gehien egokitzea, bestetik.
Galdetegia jaien harira proposamenak edo iradokizunak egin nahi dituen pertsona orok bete ahal izango du eta datorren urtarrilaren 12a izango da epe muga.
Hau da galdetegian parte hartzeko eta proposamenak helarazteko esteka: https://forms.gle/XhgnarWacXhKy5rd6
Bertan, Karmengo jaietan ikusi nahiko lituzketen musika eta artistei buruzko galderak egiten zaizkie, eta jaietarako iradokizunak egiteko aukera ere ematen zaie.
Bildutako informazioa berrikusi eta kontuan hartuko du Udalak datorren urteko jaien plangintzan.
