Arte garaikidearen erakusketa ibiltaria Zelaieta Zentroan izango da ikusgai urriaren 9ra bitarte; inaugurazioa arratsaldeko 19:00etan izango da eta horrez gain bisita gidatua izango du irailaren 25ean, euskaraz zein gaztelaniaz, eta bitartekaritza saio bat hilaren 26an. Paula Fuentes komisario gisa, erakusketak Sofía Mendiondo, Hodei Herreros eta Argiñe Ceballos artisten lanak biltzen ditu, identitate pertsonalaren mugak eta denboran eta espazioan zehar izan duen eraldaketa aztertzen dituztenak.
BOSTEKO 2025ek hasiera eman dio Amorebieta-Etxanon edizio berriari, Zelaieta Zentroan “Ia zu zinen” izeneko erakusketaren inaugurazioarekin. Erakusketa hau urriaren 9ra arte egongo da ikusgai, eta Amorebieta-Etxano, Basauri, Getxo eta Leioako udalek antolatu dute, Bizkaiko Foru Aldundiko Kultura Sailaren laguntzarekin.
Goizean, Ainhoa Salterain, Amorebieta-Etxanoko alkatea; Koldo Bilbao, Kultura zinegotzia; Begoña de Ibarra, Bizkaiko Foru Aldundiko Kultura zuzendaria; eta Iban Rodríguez, Leioako alkatea, erakusketan izan dira. Bertan, parte hartu duten hiru artistek —Sofía Mendiondo, Hodei Herreros eta Argiñe Ceballos— eta Paula Fuentes komisarioa ere egon da. Bisitaldian, artelanen eta erakusketaren kontzeptuaren inguruko azalpen zehatzak jaso dituzte.
Ainhoa Salterain, Amorebieta-Etxanoko alkateak inaugurazioan nabarmendu duenez, BOSTEKO bezalako ekimenak garrantzitsuak dira arte garaikidea herritar guztiei hurbiltzeko. “Amorebieta-Etxanorentzat ohore bat da BOSTEKOren edizio berri bati ongietorria ematea, eta horrela zornotzarrek gure lurraldeko artista garaikideen talentuaz gozatzeko aukera izango dute. Udaletik, guztion eskura dagoen kultura batekin konprometituta gaude, eta BOSTEKO horren adibide bat da”.
Ia zu zinen
“Ia zu zinen” erakusketak, Sofía Mendiondo, Hodei Herreros eta Argiñe Ceballos artisten lanen bidez, identitate pertsonalaren mugak eta denboran eta espazioan zehar izan duen eraldaketak aztertzen ditu. Erakusketak ikuspegi introspektibo bat eskaintzen du, eta ikuslea izatearen eta ez izatearen kontzeptuaren inguruan hausnartzera gonbidatzen du. Bertan, gorputzak eta identitate zatikatuak, ahulak eta aldagarriak direla erakusten da. Artisten lanek nortasuna ikuspegi plural eta eraldatzaile batetik lantzen dute, eskultura, testu, argazki eta ikus-entzunezko piezak erabiliz, ikusleak izakiarekin eta “ia izan zenarekin” duen harremana zalantzan jartzeko espazio bat sortuz.
Paula Fuentes, erakusketaren komisarioak, proiektua identitatearen, memoriaren eta ahultasunaren ikuspegi sakon bat eskaintzeko antolatu du, eta publikoari erakusketa prozesu gisa bizitzeko gonbita egiten dio, gai horietan sakontzeko.
Erakusketa ibiltaria izanik, lau udalerri ezberdinetan aurkeztuko da datozen hilabeteetan: lehenik Amorebieta-Etxanon eta ondoren Leioan, Getxon eta Basaurin, arte garaikidea modu hurbilean eta irisgarri batean gozatzeko aukera eskainiz.
Nortasunari buruzko ibilbide eraldatzailea
Erakusketako sarrera doakoa da, eta horrez gain, bisita gidatuak eta bitartekaritza saio bat ere egingo dira, erakusketan lantzen diren gaiei buruz gehiago ezagutzeko.Programatutako jarduerak honako hauek dira:
- Zelaieta Zentroa:
- Irailaren 18an, 19:00etan, erakusketaren inaugurazioa
- Irailaren 25ean, 18:30ean: Bisita gidatua gaztelaniaz Argiñe Ceballosekin.
- Irailaren 25ean, 19:15ean: Bisita gidatua euskaraz Argiñe Ceballosekin.
- Irailaren 26an, 18:30ean: Mediación “Hankak zurtoin bilakatzen diren tokian” Argiñe Ceballosekin (inskripzioa: paulafuentescurator@gmail.com).
BOSTEKO
BOSTEKO erakusketa ibiltaria da, euskal arte plastikoen lana zabaltzea eta ezagutza sustatzea helburu duena. Arte garaikidea publiko orokorrari modu hurbilean eta irisgarrian ezagutaraztea du xede.
