- Lehiaketa adin guztietako herritarrei zuzenduta dago eta modalitate desberdinetan jokatuko da, larunbatean zein igandean, Zelaietako frontoian.
Open Amore, Speedcubing lehiaketa, Amorebieta-Etxanora itzuliko da asteburu honetan. Lehiaketa adin guztietako herritarrei zuzenduta dago eta modalitate desberdinetan jokatuko da larunbatean zein igandean Zelaietako frontoian. Aurten egongo diren kategorien artean, hauek nabarmentzen dira:
- 2×2: Kubo sinple bat, ohikoa baino geruza bat gutxiagorekin, etxeko txikienen artean ospe handia daukana.
- 3×3: Rubiken kubo klasikoa. Kubo honekin hasten dira pertsona asko “speedcubing” mundua ezagutzen eta ikasten. Lehiaketa honek 4 txanda izango ditu modalitate honetan.
- 4×4: Kubo honek aurrekoen konplexutasuna areagotzen du eta zailtasun horrek are ospetsuago eta erakargarriako bilakatzen du jokoa.
- Square-1: Lehiatzeko kubo konplexuena da lehiatzeko, bira bakoitzean forma aldatzen baitu.
- Skewb: Kubo hau oso sinplea da, izkinen inguruan biratzen du.
- 3×3/4×4 Blind: 3×3 eta 4x4arekin egiten diren ohiko ebazpenak egiten dira, baina itsu-itsuan. Kategoria honetan, kuboa jada nahasia dagoenean hasten da denbora zenbatzen, eta, beraz, memorizatutako denbora eta itsu-itsuan bereizitako denbora zenbatzen dira.
- Pyraminx: Piramide puzzle hau oso ospetsua da gaur egun, ikasteko oso erraza baita, 3×3 klasikoa baino askoz errazagoa, hain zuzen.
- Clock: 9 erlojuz osatutako erlojua, aurretik eta atzetik. Gero eta ezagunagoa den puzzle honen helburua da orratz guztiek 12ak markatzea.
- 3×3 OH: Kategoria hau 3×3 kuboa ebaztean datza, baina kasu honetan esku bakarrarekin. Era berean, txanda bakoitzak kubo klasikoaren txandak bezala funtzionatuko dute.
Amorebieta-Etxanoko Udalak herritar guztiak animatzen ditu Amore Open lehiaketaz gozatzera!
