Euskrowd euskararen etorkizun digitala bultzatzeko sortutako proiektu parte-hartzailea da. Aplikazio honen helburua hizkuntza-teknologiak hobetzea da, etorkizun hurbilean gailu digitalek euskara bere aberastasun, euskalki eta adierazteko modu guztietan ulertu dezaten.
Horretarako, Euskrowd-ek euskaldunen lankidetza behar du. Aplikazioaren bidez, edozein pertsonak bere ahotsa grabatu dezake, galdera errazak eginez edo euskarazko komandoak emanez. Grabazio horiei esker, proiektuak ahots eta testu datuen corpus ireki bat sortzen ari da. Horrek benetako euskaran oinarritutako adimen artifizialaren eredu inklusiboagoak eta adierazgarriagoak trebatu eta ebaluatzeko aukera emango du.
Jende gehiagok parte hartzen duen heinean, datu-basea osatuagoa eta askotarikoagoa izango da, eta etorkizuneko teknologiek gure hizkuntza hobeto ulertuko dute. Euskrowd euskararen aurrerabide teknologikoan parte hartzeko aukera da, gure hizkuntzak mundu digitalean duen presentzia eta indarra sendotzeko ekarpen zuzena egingo duen tresna.
Parte hartu. Hitz egin. Grabatu. Egin teknologiak zure euskara uler dezan.
Euskrowd – Gure soinua, herriaren indarra euskrowd.ehu.eus
